Jonta provinziela per plu culaburazion cun sindacac y mprenditëures

12/03/2012, 2:38 PM

USP – Reprejentanc de duc i sindacac y dl’assoziazions di mprenditëures ie (NCUEI) ai 03 de dezëmber stai gesć tla senteda dla Jonta provinziela. Do na descuscion plu sota iesen ruvei a una de nvië via na culaburazion plu strënta per lauré ora criteries nueves per i proscimi ani.

Partner soziei tla senteda dla Jonta provinziela per la prejentazion dl bilanz de previjion 2013.
Partner soziei tla senteda dla Jonta provinziela per la prejentazion dl bilanz de previjion 2013.

I sindacac y i mprenditëures dëssa lauré ora prupostes de programs che unirà pona valutei deberieda cun i assessëures provinziei. Chësc dëssa pité na basa da tenì cont canche l unirà proietà l proscimo bilanz provinziel. "L ie drët che rujenon de plu deberieda y che cialon co la mëter a jì tl daunì" à dit l presidënt Luis Durnwalder do la senteda dla Jonta provinziela. Dan ruvé a chësta dezijion de mascima, à sindacac, mprenditëures y i assessëures prejentà si pont de ududa n cont de co sustenì l jì inant economich tl Südtirol.

Da pont de ududa di lauranc y di patrons de lëur iel unì damandà mo de plu reduzions dla chëutes, stieres nueves, sustëni, tueda y scëmplificazion dl'aministrazion. La Jonta provinziela à aldò dl presidënt bele fat vel pruvedimënc dajan pro na reduzion dl'IRPEF, metan a desposizion l fond de rotazion, sustëni y garanzies de mprëst per l export y scumenciadives per ruvé pra de plu stieres. L presidënt dla Provinzia à te cunferënza stampa danterauter sorissà i 252 euro che la families cun n davani nchin a 70.000 euro, possa tré ju per uni mut, i aiuc per ressané de vedli cuatieres y i cuntribuc per la reduzion dl cunsum de energia.

Sindacac y mprenditëures à nce tëut posizion sun la pruposta de bilanz per l 2013. Ai 6 de dezëmber iel udù dant la prejentazion te Cunsëi provinziel acioche l possa pona unì dat pro. Dan ruvé a na descuscion politica, à la Jonta ulù prejenté si strategies per l proscimo ann y audì la prupostes di partner soziei.

as