Cuntori per manifestazions publiches tla mans di chemuns
04/02/2013, 3:05 PM
USP – I cuntroi de segurëza y cuntori saniteres per manifestazions publiches ne dëssa nia plu unì fai dala Provinzia, ma dai chemuns. La Jonta provinziela à (NCUEI) ai 02 de auril dat pro na pruposta de lege aldò.
"La sëurandata dla cumpetënza sun i cuntroi per manifestazions publiches ie n linea de mascima data pro, śën se tratela mo de stlarì vel particuleres cun l Cunsëi di chemuns" à dit l presidënt dla Provinzia Luis Durnwalder do la senteda dla Jonta.
Nchinamò jiva cater o cin dependënc dla Provinzia sun l post dla manifestazion a cialé sce l ie unì tenì ite la normes de segurëza, de sanità y de igiena. Aldò dl presidënt iel plu scëmpl sce chisc cuntroi vën fai dal chemun de cumpetënza.
as