La Jonta provinziela à dat pro la lege urbanistica

04/22/2013, 2:33 PM

Smëndrì burocrazia y manco da aspité: chisc doi fins se à la Jonta provinziela tëut dant cun la pruposta de reforma ala lege urbanistica che la à dat pro (NCUEI) ai 22 de auril. Aldò dl presidënt dla Provinzia Durnwalder dëssa la lege mo jì n droa d’autonn.

Pruzedures plu scëmples per raions de produzion ie un di ponc zentrei dla lege urbanistica nueva (foto USP)
Pruzedures plu scëmples per raions de produzion ie un di ponc zentrei dla lege urbanistica nueva (foto USP)

La firmes che ulëssa frabiché sëntes nueves dëssa pudëi l fé cun manco burocrazia y te tëmps plu curc. "La lege urbanistica nueva dëssa dantaprima purté na reduzion de stritoc y pruzedures plu aslune" à dit Luis Durnwalder tla cunferënza stampa tò la senteda dla Jonta. Mpede ruvé a despuscions per fé raions de produzion dëssen ruvé a una tres tratatives cun i patrons de grunc.

Danter na lingia de ponc che unirà regulamentei da nuef à l presidënt nunzià la puscibltà de mudé plu saurì la destinazion urbanistica de raions. Per na cunzescion da frabiché dëssen aspité al plù cater mënsc y nce per la cumiscion dëssa la lege nueva purté scëmplificazions.

La pruposta de lege data pro dala Jonta provinziela unirà śën mandeda inant ala Cunsëi di Chemuns y pona al Cunsëi provinziel per unì data pro. Nchin de lugio dëssa la lege passé te Cunsëi provinziel per pudëi mo n n droa dan la fin de legislatura. (USP)

as