10 de setëmber: prejentazion dl stude PISA 2025 dla scoles de Sudtirol

Doi dis do la prejentazion internazionela dl OCSE, uniral presentà ai 10 de setëmber a Bulsan i resultac dl stude PISA di trëi sistems scolastics dla provinzia de Bulsan

Doi dis do che la Urganisazion per la Cooperazion y l Svilup Economich (OCSE) à prejentà i resultac a livel mundiel, uniral purtà dant a Bulsan n juebia ai 10 de setëmber i resultac dl stude PISA (Programme for International Student Assessment) di trëi sistems scolastics dla provinzia.

Dal 2003 incà fej la scoles pea cun PISA pra l majer stude cumparatif internazionel tl ciamp dla istruzion. L’ultima rilevazion ie unida fata d’ansciuda dl 2025 cun sculeies y sculées de 15 ani, analisan la cumpetënzes de liejer, de fé conc y de scienzes. La scienzes ie chëst iede states l ciamp prinzipel. I resultac dl sistem scolastich unirà presentei te chësta ucajion:

juebia, ai 10 de setëmber,

dala 9.00 ala 10.00

tla chëurt dedite dl Palais Widmann, Palaz 1,

plaza Silvius-Magnago 1 a Bulsan

L sarà leprò i assessëures provinziei Philipp Achammer, Marco Galateo y Daniel Alfreider, i diretëures dla Direzions Istruzion y Furmazion Gustav Tschenett y André Comploi, l Diretëur y Sëuraintendënt Vincenzo Gullotta, la intendënta Sigrun Falkensteiner y l intendënt Heinrich Videsott y d’autri reprejentanc y reprejentantes dl mond dla scola de Sudtirol.