Descuron la criatività, l'ert y la pruspetives nueves de nosc jëuni
Ai 28 de nuvëmber l Lizeum d'Ert Cademia y la Scola profesciunela provinziela La Prufesciunela nvieia al di dla portes daviertes
URTIJEI (USP). L Lizeum d'Ert Cademia y la Scola profesciunela provinziela La Prufesciunela nvieia al di dla portes daviertes. Unide a scuvrì la richëza criativa de nosta scoles y lascëve ispiré dala ideies, dai proiec y dai lëures de nosc jëuni. Doi scoles, cin direzions y pusciblteies criatives zënza fin!
Svilupé ideies, purvé ora tecniches nueves, lauré cun materiai desferënc y trasfurmé si vijions te na realtà: dala pitura ala grafica y al'ert digitela, nchin al ziplé tl lën y ala decurazion pitorica, te nosta scoles abìnen criatività, savëi artejanel y talënc ndividuei.
Cie ve aspieta pa? Na udleda do la cultrines, proiec nteressanc che vën fac, manufac unics y truepa energia criativa. Nosta sculées y nosc sculeies Ve acumpanierà a scuvrì i locai dla scoles,Ve prejenterà si lëures y te cunterà de si esperienza da uni di. Nsci pudëis udëi da daujin coche l nasc ideies nueves dala prima schizes, coche i materiai se trasfurmea te ogec speziei y coche la fantasia se forma te proiec cuncrec. Ma l ne se trata nia mé de ert y pratica artejanela. Nosc sculeies mpera a pensé da sëui, a abiné soluzions persuneles, a cunlauré te na grupa y a avëi l ardimënt de espluré stredes nueves. La rujenedes, la cultura generela y la cumpetënzes digiteles stluj ju la furmazion criativa, giaurian pruspetives nueves per l daunì.
Unide a nes crì, lascëve ispiré y scuvride l mond criatif de nosta scoles. Ve aspiton!
red