"Fé puenc"

"Fé puenc": n proiet dl Ciamp Pedagogich, Ntendënza ladina, per sustenì la tecnologia y nia mé chëla

BULSAN (USP). Duta la scolina o la scola de vel’ luech, ma nce tlasses singules dla doi valedes ladines à tëut pert a chësta scumenciadiva de proietazion, realisazion y abelimënt de puenc. L duvier fova chël de costruì n puent stabil y sterch. Ora de chël pudovel nce vester bel per l uedl, decurà y artistich. Te pitla grupes o da sëui iel unì fat de biei lëures, che la mutans y i mutons à prejentà cun gran superbia ntant na mostra.

L tema ie nce unì tëut su tl nseniamënt te d’autra materies: L ie unì tratà aspec soziei, ma nce cuntenuc linguistics, de geografia, storia y matematica. Speron de ti avëi pudù dé ueia ai mutons y ala mutans per la tecnica y l pudëi scuvrì y purvé ora cosses nueves. Y povester fovel danter duc chëi che à fat pea n architet o na architeta, n njenier o na njeniera dl daunì.