Iscrizions al percurs d’abilitazion daviertes nchin ai 21 de dezëmber

L personal nseniant dla scoles mesanes, autes y prufesciuneles ladines possa se scrì ite mo nchin ai 21 de dezëmber 2022 al percurs de furmazion per giapé l’abilitazion per nsenië.

L’iscrizions al percurs de furmazion per giapé l’abilitazion per nsenië tla tlasses de cuncors dla scoles mesanes, autes y prufesciuneles ie daviertes mo nchin ai 21 de dezëmber 2022. Chësc percurs de furmazion n servisc dura doi ani y meterà man d’autonn 2023.

De plu nfurmazions sun la tlasses de cuncors scrites ora, sun i cuntenuc y la dates y sun l’iscrizion ie da abiné sun la plata web dla Scola tudëscia tl portal Furmazion y lingac y tla zirculera dla Ntendënza ladina. L’iscrizions dl personal nseniant ladin ie da mandé mé ala Ntendënza tudëscia.