Iscrizions tardives ala scolina per l ann 2026-2027

La Direzion dla scolines "Ladinia" comunichea che dai 20 ai 22 de agost 2026 saràl mo puscibl scrì ite online ala scolina i mutons y la mutans per l ann 2026/2027

URTIJEI (USP). L sarà puscibl fé l’iscrizions sun l portal online dla provinzia autonoma de Bulsan tres myCivis y l possa unì scrit ite mutans y mutons nasciudes y nasciui danter l 01.09.2020 y l 31.12.2023.

Un n ann de scolina ie de ublianza. Duta la mutans y i mutons nasciui danter l 1°de mei 2021 y i 30 de auril 2022 muessa unì scric ite ala scolina.

L ie mé puscibl fé l’iscrizion te una na scolina dl chemun de residënza.

Genitores o respunsabli dl’educazion di mutons y dla mutans che uel scrì ite si mut o si muta te n‘autra scolina che no chëla de si chemun de residënza, muessa, do avëi fat l’iscrizion te na scolina de si chemun de residënza, presenté te Direzion dla scolines na dumanda de trasferimënt sun n formuler stampà.

Plu nfurmazions y ajurnamënc n chësc cont vën publichedes sun la plata web dla scolines  https://scora-ladina.provinzia.bz.it/lld/scolines/iscrizion-te-na-scolina-ladina o ie da giapé pra la Direzion dla scolines al numer de telefon 0471-797117.