"Prestazions d’ezelënza 2024": premià l ulentariat jëunn

Pruiec tl setor di jëuni y persones jëunes atives tl ulentariat vën uni ann premiei dai trëi Raions dl Tirol, Südtirol y Trentin. Chëst ann ie la premiazion stata ai 14 de juni.

I trei länder Tirol, Südtirol y Trentin à premià ai 14 de juni a St. Anton am Arlberg (Tirol) undesc persones jëunes y set pruiec cun l pest “Prestazion d’ezelënza – l ulentariat jëunn”.

Premià vëniel nscila l ulentariat per si mpëni soziel straurdiner tla cumenanza: da una na pert persones nchin a 25 ani per si engagement persunel, dal’autra pert pruiec de ulentariat che ie atifs tl ciamp dla junanza. Ala fin dla finedes pòssel nce unì premià scumenciadives de barat y liam de rë dedite dala sëides dl’Euregio Tirol-Südtirol-Trentin.

I trëi presidënc Anton Mattle per l Nordtirol, l presidënt Euregio y presidënt dla Jonta provinziela Arno Kompatscher y l assessëur provinziel Simone Marchiori dl Trentin se à ralegrà „per vester stac boni de fé ruvé sun l gran palch ufiziel chësta prestazions propi straurdineres per l lëur per mutons y jëuni,” coche à dit Mattle. Kompatscher à rengrazià “a inuem de duta la cumenanza y sozietà de dut l raion dla Euregio.” La premiedes y i premiei “ie l fonz y la sumënza per n daunì plën de speranza.” I ie na sort de pars pro toto de duc chëi che lëura de regula a scundon, da coche à auzà ora Kompatscher, Mattle y Marchiori.

Cater dla/di premiedes/ei ie de Südtirol: Sara Burger (Südtiroler Katholische Jugend), Philipp Genetti (Meraner Festspiele, Initiative für Ur- und Erstaufführungen), Julian Nikolaus Rensi (Südtiroler Hochschülerschaft, Südtiroler Jugendring) y Marco Scardoni (Pluania de Persenon). Oradechël iel unì premià respetivamënter doi pruiec di trëi raions dla Euregio. Per Südtirol se tràtel dl Musical „UJÖP DA OIES“ (Mujiga de Badia) y l Artist Club (Bulsan).

L pruiet sëura i cunfins ora

Dassënn a cuer ti stàl ai trëi raions Euregio de recunëscer – tres l pest dla prestazion d’ezelënza – l engagement soziel sëura la sëides di raions via. Per l ann 2024 ti ie chësc recunescimënt jit ala plataforma Euregio-Aperitivo. La sustën y porta inant l liam de rë y la democrazia tl’Euregio Tirol-Südtirol-Trentin, ti dajan na sburdla ai jëuni y ala jëunes de fé pea pra i pruzesc politics y de rujené pea pra tematiches de politica mundiela. L Club Alpbach Tirol, l Club Alpbach Südtirol Alto Adige y l Club Alpbach Trentino ti à dat l batum al pruiet.

Lista dla premiedes di premiei: c. downloads.