Resultat dla lita di posć por l’ann de scora 2024/2025

Resultat dla lita di posć cun contrat a tëmp indeterminé y a tëmp determiné por l’ann de scora 2024/2025 por l’inserimënt dl personal insegnant dles scores a carater statal di raiuns ladins.

Resultat dla lita di posć cun contrat a tëmp indeterminé por l’ann de scora 2024/2025

Ai 17 de jügn él gnü partí fora i posć por l’inserimënt dl personal insegnant tles gradatöres permanëntes dles scores a carater statal di raiuns ladins dla provinzia da Balsan, por ci che reverda l’ann de scora 2024/2025.

Ti trëi ordins de scora él indöt gnü partí fora 18 posć, dodî dles gradatöres provinziales.

Por l’insegnamënt tla scora primara él gnü dé ca 9 posć. Dagnëra tla scora primara é un n post gnü dé ca cun la priorité por l’insegnamënt de integraziun.

3 posć él gnü dé ca por l’insegnamënt tles scores mesanes.

5 posć por l’insegnamënt tles scores altes.

Por ci che reverda les scolines, él gnü de ca 2 posć a tëmp indeterminé a pié ia dal ann de scora 2024/2025.

Lita di posć a tëmp determiné por l’ann de scora 2024/2025

Por l’ann de scora 2024/2025 él gnü partí fora 41 posć cun contrat a tëmp determiné.

I atri posć a tëmp determiné ciamó da curí gnará partís fora ai 5 de agost 2024 dales direziuns dles scores.

Da inumtima gnarál de ca i posć a chërdada direta.