Scola ladina: Iscrizion tla graduatories nchin ai 22 de dezëmber

L personal nseniant possa se scrì ite tla graduatories provinzieles y d’istitut dla scoles dla valedes ladines per l ann de scola 2024/25 dai 1 de dezëmber nchin ai 22 de dezëmber 2023.

La Ntendënza ladina fej al savëi che la dumandes per l’iscrizion tla graduatories provinzieles, tla graduatories d’istitut, per l’iscrizion cun riserva, per l ajurnamënt di ponc y per la mudazion di tituli de azes muessa unì dates ju al plu tert nchin la 12:00 di 22 de dezëmber 2023 al Ufize Aministrazion scolastica dla repartizion Scola y Cultura ladina.

De plu nfurmazions sun la dumandes, la modaliteies per les dé ju y i formuleres ie da abiné online tla plata-web dla Ntendënza ladina.

Per dumandes plu avisa possen cuntaté Claudia Aquilini per la scoles elementeres (tel. 0471 417015) y Anna Rudiferia per la scoles mesanes y autes (tel. 0471 417018).

La graduatories provinzieles y d’istitut provisories unirà apruvedes y publichedes sun la plata-web dla Ntendënza ladina ala fin de auril 2024, chëles definitives al scumenciamënt de juni 2024.