![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
Scolines y scoles ladines se liëia cun la Talia y l'Europa
Pusciblteies per l personal dla scolines y dla scoles ladines de gra a Erasmus+ - Per l ann 2026 pieta la Direzion Ntendënza y Cultura Ladina mo d'autra mobiliteies
BULSAN/ROMA (USP). L diretëur dla Repartizion Aministrazion Scola y Cultura Ladina Mathias Stuflesser à prejentà ai 3 de merz 2026 a Roma la partezipazion dla scoles ladines y tudësces de Südtirol al program de mobilità Erasmus+. Chësc en ucajion de na manifestazion dl'agentura naziunela taliana INDIRE, pra chëla che ie unides premiëdes scoles per avëi fat pea pra l program de mobilità Erasmus+. Trëi maestres de scolina dla valedes ladines ova tl 2025 per n'ena tëut pert pra na furmazion tla Islanda cun n sustëni Erasmus.
Per l ann 2026 pieta la Direzion Ntendënza y Cultura Ladina mo d'autra mobiliteies tl cheder de proiec che ie unic apruvei da Erasmus+. L po se anunzië l personal pedagogich dla scolines ladines, l personal nseniant dla scoles ladines, la culaburadëures per la inclujion y l personal aministratif y cumandà de Ntendënza y Cultura ladina. L personal dla scolina y dla scola po se nuzé de chësta pusciblteies de mobilità dantaldut tl tëmp liede da nseniamënt, te caji de ezezion motivei y cun apruvazion dla direzion nce ora de chësc tëmp.
L ie mesun fé n job shadowing (per ejëmpl usservé y acumpanië nseniantes te na scola) o fé na furmazion, sambën te n auter Stat cumëmber dla Union Europeica o te paejes assoziei.
De plu infos pon giaté tla manifestazions de nfurmazion metudes a jì aposta tres videocunferënzes per l personal dla scolines y scoles ladines (zënza bujën de se lascé nuté su danora). De plu nfurmazions pon abiné sun chësta plata internet:
Erasmus+ | Finanziamënc por scomenciadies de mobilité | Comunicac atuai
red
Bildergalerie
Documënc da desćiarié
- (da man ciampa) Maurizio Gerardini (Project Officer Unità PNRR Erasmus+ INDIRE), Diretëur de Repartizion Mathias Stuflesser, Paola Russo (Unità PNRR Erasmus+ INDIRE y ambasciadëura Erasmus-Plus Emilia-Romagna), Stefan Graziadei (cunlauradëur Repartizion Aministrazion scola y cultura ladina), Maria Cristina Bevilaqua (Unità PNRR Erasmus+ INDIRE y ambasciadëura Erasmus-Plus Lazio). (Foto: USP/Repartizion Aministrazion Scola y Cultura Ladina) » [IMG 2 MB]
- Placat dla cunferënza INDIRE sun proiec Erasmus finanziei tres l PNRR. (Foto: USP/Repartizion Aministrazion Scola y Cultura Ladina) » [IMG 1 MB]
- l diretëur de Repartizion Stuflesser cun l l presidënt de INDIRE Francesco Manfredi (Foto: USP/Repartizion Aministrazion Scola y Cultura Ladina) » [IMG 1 MB]
- L diretëur de Repartizion Stuflesser (tl zënter) cun Marco Palmigiani (Project manager comunicazion Unità PNRR Erasmus+ INDIRE) y Marino Mazzocca (Respunsabl scientific dl proiet PNRR Erasmus+). I doi cunlauradëures de INDIRE à menà n team de esperc che tl 2025 a urganisà la prima “palestra de proietazion” tla Talia tres la Direzion Ladina. Te chël cheder, deboriada cun i cunlauradëures dla Direzion, ie uni stat njenià la pruposta Erasmus Plus dla Direzion Ntendënza y cultura ladina, pona finanzieda cun mesuns dl PNRR. (Foto: USP/Repartizion Aministrazion Scola y Cultura Ladina) » [IMG 1 MB]
- L diretëur de Repartizion Stuflesser a prejentà i resultac dla scoles de Südtirol n cont de mubiliteies Erasmus Plus finanziedes tl cheder dl proiet “Putenziamënt dla mubiliteies Erasmus Plus cun mesuns PNRR”. (Foto: USP/Repartizion Aministrazion Scola y Cultura Ladina) » [IMG 1 MB]
