Di dla Cultura Ladina: Cunferënza stampa ai 9 de setëmber

L Di dla Cultura Ladina unirà fat n sada ai 19 de setëmber a Urtijëi - Duta la persones nteressedes ie de cuer nviedes a fé pea pra n program rich de manifestazions

BALSAN (USP). La tematica dl di ie Da na generazion a l'autra, ulache la se trata de dé inant la mpurtanza dla trasmiscion dla rujeneda, l'arpejon culturela y la tradizions ala proscima generazions. N passaje de savëi, valores y usanzes che porta pro a renfurzé y mantenì viva la cultura ladina.

I details dl Di dla Cultura Ladina unirà prejentei dal assessëur provinziel Daniel Alfreider y dal diretëur per Istruzion, Furmazion y Cultura ladina André Comploi ntan la cunferënza stampa cun pitl gusté che unirà fata

n mierculdi ai 9 de setëmber

dala 9 da duman

tla Sala Franz Vittur dla Direzion Istruzion, Furmazion y Cultura ladina

Streda Binder/Bottai 29

a Bulsan

L Di dla Cultura Ladina ie na scumenciadiva dla Direzion Istruzion, Furmazion y Cultura ladina metuda a jì n cunlaurazion cun la istituzions cultureles ladines, dantaldut cun l Istitut Ladin Micurà de Rü, l Museum Ladin Ciastel de Tor y cun la partezipazion dl Istitut Cultural Ladin Majon di Fascegn, dl Istitut Cultural Ladin Cesa de Jan y dla Università Liedia de Bulsan.

Pra la edizion dl 2026 fej pea dantaldut la Union Generela di Ladins dla Dolomites, l Circolo Lia Mostra d'Ert, la Uniun Adüm, coche nce truepa d'autra lies cultureles dla Ladinia.